ADVANCE X-TREEm панталони

STIHL поставува нови стандарди со дишливите и исклучително удобни STIHL ADVANCE X-TREEm панталони. Овие заштитни панталони за шумарство се особено погодни за качување и за професионална работа во шумарството во екстремни услови. Материјалот ProElast за еластичните влошки, развиен ексклузивно за STIHL, овозможува голема слобода на движење и го намалува заморот.

Панталоните STIHL ADVANCE X-TREEm се достапни во тесен крој. Благодарение на големиот удел на исклучително еластичниот материјал ProElast, тие го следат секое движење и добро се приспособуваат на различни облици на телото, па се подеднакво погодни за жени и мажи. Особено лесниот материјал AVERTIC™ pro lite за заштита од исеченици, развиен ексклузивно за STIHL, е дишлив и брзо се суши. Во комбинација со меката постава од микровлакна, обезбедува пријатна микроклима дури и при интензивна физичка активност. За дополнително проветрување, на пример при високи температури, може да се користат отворите за вентилација што се приспособуваат со патент.

Еластичните влошки со керамичка облога на колената и заштитата од трње на долниот дел од ногавиците го штитат материјалот од абење и кинење. Исклучително дишливите гамаши удобно се поврзуваат со обувките и ги штитат нозете од крлежи. Вредните предмети можеш да ги сместиш во четирите рамни џебови со патент. Запците на патентите се скриени од внатрешната страна, а облогата спречува нивно затнување со смола.

Рефлектирачките елементи и делот во сигнално портокалова боја обезбедуваат подобра видливост. Трегерите што се прицврстуваат на јамките се вклучени во испораката. Се препорачува комбинирање на STIHL ADVANCE X-TREEm панталоните со јакната STIHL ADVANCE X-TREEm. Овој комплет е приспособен на посебните барања на арбористите, а неговите предности најдобро доаѓаат до израз кога панталоните и јакната се носат заедно.

Панталоните STIHL ADVANCE X-TREEm може да се перат во машина на 60 °C.

Дополнителни информации:

• Состав на надворешниот материјал: 80% полиестер, 15% полиамид, 4% еластан, 1% керамика
• Состав на поставата: 66% полипропилен, 34% полиестер
• Достапна боја: двобојна, црна/сигнално портокалова
• Достапни големини: XS–3XL
• Тежина во големина M: 1,3 kg
• Класа на заштита од исеченици: 1, дизајн A (EN 381 односно EN ISO 11393)

Повеќе информации за поединечните големини можеш да најдеш во нашиот водич за големини. За приспособување на STIHL ADVANCE X-TREEm панталоните, обрати се кај локален STIHL специјализиран продавач.

Панталоните STIHL ADVANCE X-TREEm ја добија ознаката за квалитет KWF Profi од Kuratorium für Waldarbeit und Forsttechnik e.V.